Duka dhe Dukesha e Kembrixhit do të dëmshpërblehen me 100 000 euro pasi një revistë franceze publikoi fotot topless të Dukeshës Kate Middleton.
Sipas “BBC”, një gjykatë franceze ka vendosur se imazhet e përdorura nga “Closer” – të shkrepura gjatë kohës që çifti ishte me pushime në Provence 5 vite më parë – përbënin cenim të privatësisë së tyre.
Pallati “Kensington” tha se familja mbretërore e Britanisë ishte e kënaqur me vendimin e gjykatës franceze.
Gjykata po ashtu gjobiti editorin dhe pronarin e revistës “Closer “ me 45 mijë euro, maksimumi i shumës ë lejuar.
Sipas medias britanike, dëmshpërblimi me nga 50 mijë euro për Dukën dhe Dukeshën përbëjnë një shumë të vogël në krahasim me 1.6 milionë eurot që kanë kërkuar avokatët e tyre.
Ky vendim i gjykatës vjen pas gjyqeve kundër 6 personave, përfshirë fotografët dhe ish-editorët e “Closer”, të cilat nisën në muajin Maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
