Një tjetër marrëveshje është nënshkruar sot, e cila pretendohet se do të çojë para marrëdhëniet mes Kosovës dhe Serbisë. Bëhet fjalë për letrat e Interesit për të ndihmuar financimin e ndërtimit të “Autostradës së Paqes”, e cila është njëra ndër pikat e marrëveshjes ekonomike të nënshkruar në Shtëpi të Bardhë.
Firmën për letrat e ‘Autostradës së Paqes’ e hodhi shefi Ekzekutiv i Koorporatës Ndërkombëtare të Financave të Zhvillimit në SHBA, Adam Boehler, por edhe Kimberly Reed, kryetari i Bankës së Eksport-Importit për financimin e projektit që parashihet të lidhë Nishin dhe Prishtinën.
Sipas Boehler, ‘Autostrada e Paqes’, është një projekt-simbol, për erën e re të marrëdhënieve Kosovë-Serbi.
“Autostrada e Paqes do të drejtojë zhvillimin ekonomik dhe integrimin rajonal duke lidhur Nishin dhe Prishtinën. Ai do të shërbejë gjithashtu si një simbol i fuqishëm i marrëdhënies së re, transformuese midis këtyre vendeve fqinje,”- tha Boehler.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
