Saif al-Islam Gaddafi, djali i ish-liderit libian Muammar Gaddafi, raportohet se është vrarë pas përleshjeve të armatosura në zonën e Zintanit. Ngjarja ka rikthyer vëmendjen mbi figurën e tij dhe rolin që ai luante në peizazhin politik të Libisë.
Teologu Ermir Gjinishi, i ftuar në emisionin “Të Paekspozuarit”, analizoi shkaqet dhe rrethanat që mund të kenë çuar në eliminimin e 53-vjeçarit, duke theksuar se autorët e vrasjes me shumë gjasë nuk do të identifikohen kurrë.
Autoritetet e prokurorisë ende nuk kanë arritur të identifikojnë autorët, dhe kjo lidhet drejtpërdrejt me profilin kompleks të Saif al-Islam Gaddafit, si një figurë politike e ndërlikuar dhe e diskutueshme.
Mënyra se si është kryer vrasja ngre pikëpyetje serioze mbi nivelin e organizimit të atentatit.
Fikja e kamerave të sigurisë dhe e sistemit të alarmit tregon përdorim teknologjie dhe një planifikim të sofistikuar. Nuk kemi të bëjmë me një vrasje banale mes grupeve rivale.
Pavarësisht se kush e ka kryer aktin, Saif al-Islam Gaddafi ishte një pengesë reale për ndërtimin e Libisë së re, pasi përfaqësonte një pol të rëndësishëm politik dhe simbolik, të lidhur me regjimin e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
