Iu gjet drogë, godet punonjësen e policisë. Pranga të riut në Tiranë

Një 23-vjeçar u arrestua nga policia e kryeqytetit për posedim të lëndëve narkotike dhe dhe kundërshtim të një punonjëseje policie.

 M.A, 23 vjeç, banues në Tiranë, i dënuar më pare, u vu në pranga nga efektivët e komisariatit nr. 1 pasi në rrugën “Njazi Frakulla‘’, gjatë një kontrolli iu gjet një sasi lëndë e dyshuar narkotike Cannabis Sattiva.

Më pas, gjatë kontrollit të ushtruar në banesën e tij, ky shtetas ka kundërshtuar me dhunë dhe ka goditur me grusht punonjësen e Patrullës së Përgjithshme, të Komisariatit të Policisë Nr.1, shtetasen A. M. Në cilësinë e provës materiale u sekuestrua 14.6 gramë lëndë e dyshuar narkotike e llojit Cannabis Sattiva.

Materialet proceduriale i’u kaluan Prokurorisë pranë Gjykatës së Shkallës së Parë Tiranë për veprat penale “Prodhimi dhe shitja e narkotikëve” dhe “Kundërshtimi i punonjësit të policisë së rendit publik”.