Për shumë çifte Shën Valentini mund të jetë një ditë për të rindezur romancën, për të tjerë mund të jetë një ditë me presion për të bërë apo thënë gjënë e duhur. Dita kushtuar dashurisë e komercializuar edhe nga ndikimi i rrjeteve sociale, ku nëse shikon tufa gjigande me lule apo kuti këpucësh të markave të njohur, të çon në një konkurrencë imagjinare virtuale dhe mund të krijojë ide të reja tek personi që ke në krah. Në një pyetje për ndjekësit tanë në Facebook, pritshmëritë ishin të thjeshta, ndoshta sepse ndodhemi edhe në mes të një pandemi.
Dhe këshilla numër një për dilemën e festimit të këtij 14 shkurti, është që ta festosh siç e ndjen.
Nga ana tjetër një ditë e vetme nuk mund të ‘fshehë’ disa nga problemet që ndodhen mes një çifti shqiptar, të cilat i tregon Lenida Halilaj. Madje një studim i bërë në 2004-n në SHBA, tregoi se nëse një lidhje është e lëkundur, një Shën Valentin i kaluar keq mund të jetë hapi i fundit drejt ‘greminës’.
Mbajtja gjallë e dashurisë është sfidë për të gjith çiftet, që mund të shtohet me kalimin e kohës, por psikologia Lediona Braho tregon se ka tre mënyra si ta bësh që romanca të zgjasë për të dy deri në fund të jetës.
Çelësi është që të keni pritshmëri të larta dhe mos harroni, për sa kohë që Dita e Shën Valentinit është e qetë, keni bërë një hap përpara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
