Të paktën gjashtë afganë u vranë dhe më shumë se 120 persona u plagosën dje në mbrëmje vonë, kur një kamikaz sulmoi me një kamion të ngarkuar me eksploziv konsullatën gjermane në qytetin verior afgan të Mazar-e Sharif it, njoftuan zyrtarët.
“Të paktën pesë trupa kanë ardhur në spital deri në orët e para të mëngjesit”, deklaroi drejtori i spitalit më të madh në qytet, Noor Mohammad Faiz.
Sipas policisë, “një sulmues vdiq në shpërthimin para konsullatës”.
Një zëdhënës i Ministrisë së Jashtme gjermane tha se “ i gjithë stafi gjermanë ishte i sigurt dhe i padëmtuar”, pas bombardimeve, duke shtuar se “forcat afgane të sigurisë dhe forcat speciale gjermane kanë zmbrapsur sulmuesit, të cilët ishin të armatosur rëndë”.
Zyrtarët afganë thanë se “kamikazi ka qenë i vetmi sulmues”.
Militantët talebanë kanë marrë përgjegjësinë, duke thënë se “kanë nisur një sulm ndaj të pafeve pushtues, në hakmarrje për civilët e vrarë në sulmet ajrore në veri të Kunduzit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
