Duke folur në Konventën e Partisë së Lirisë, deputetja Monika Kryemadhi tha se problemi brenda kësaj force politike është konflikti i interesit dhe jo nepotizmi, për të cilin flet Meta.
“Nuk kisha ndërmend të flisja, por derisa isha vendosur në agjendë, vijoj t’i qëndroj fortë dy propozimeve të mia. Së pari, buxhetimi i fushatave të grave kandidate të jetë garanci statutore. Së dyti, konflikti i interesit. Marrëdhëniet e punësimit në Partinë e Lirisë, apo të emërimit në detyrë, nuk mund të lidhen ndërmjet dy individëve me marrëdhënie konflikti interesi.
Që të mos vazhdohet të bëhet propagandë me nepotizmin sepse në një parti politike nuk ka të bëjë nepotizmi, por ka të bëjë meritokracia. Një parti politike vendoset me votë jo me emërim. Në pushtet emëron kryetari apo përfaqësuesi. Megjithatë, unë mendoj se edhe në Partinë e Lirisë ka ardhur koha të shtojmë edhe pikën e konfliktit të interesit, do të thotë që përfitojnë nga njëri tjetri”, tha Kryemadhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
