Me tuta sportive, pranga në duar dhe atlete pa lidhëse është pamja e Ruben Saraivës, portugezit me rezidencë në Britaninë e Madhe të dyshuar nga drejtësia shqiptare si vrasës me pagesë.
Ai hetohet se akuzoi me pagesë Ardian Nikulaj në Shëngjin, ndërsa nga frika e ekzekutimit në ambientet e burgut ruhet në masa sigurie dhe një qeli të veçantë.
I kamufluar me maskë covid, doreza, kokore dhe një jelek fosforeshent Ruben Saraiva do të humbte gjurmët pas atentatit ndaj Ardian Nikulaj.
Ai u largua me një motor me targa false greke, ndërsa territorin shqiptarë e kapërceu nëpërmjet kufirit tokësor për tu larguar fillimisht në Greqi e më pas drejt Marokut.
Përpara këtij krijimi të kryer në bashkëpunim me Britani e Shqiptarë, Saraiva kishte qëndruar mes Tiranës dhe Shkodrës ndërsa në Shqipëri hyri nëpërmjet Rinasit në shkurt të vitit 2023.
Emisioni FactCheck ju përcjell pamjet e plota të mbërritjes së tij i veshur me tuta sportive.
48 orë pasi u ekstradua në Shqipëri, ai u rikthye sërish në qytetin ku kreu krimin më 19 prill 2023. Mesditën e 2 Janar 2024 Ruben Saraiva siç dhe shihet në pamjet e siguruara nga FactCheck me një eskortë të burgjeve futet në gjykatën e Lezhës.
Procedurialisht masa ndaj tij thjesht u konfirmua pasi më herët është dhënë në mungesë dhe ai akuzohet për vrasje të kryer në bashkëpunim në kuadër të një grupi të strukturuar kriminal.
Avokati Elton Laska i caktuar kryesisht nga Gjykata sqaroi se në seancën me dyer të Mbyllura Saraiva ka mohuar krimin.
Kjo që shihni në pamje është piramida e Vrasjes së Biznesmenit Ardian Nikulaj. Në krye të saj qëndron Edmond Haxhia i cili nga prokuroria e Lezhës dyshohet si Porositës dhe organizator i krimit. Britaniku Harry Simson vëzhgues i lëvizjeve të Nikulajt për disa ditë deri në momentin e ekzekutimit.
Harriet Bridgeman, Thomas Mithan, Steven Hunt, po ashtu shtetas britanik të cilët kishin rolin e koordinatorëve në krim dhe mbuluesve të gjurmëve deri sa plani të vihej në zbatim. E pikërisht për këtë plan ata u paraqiten në Hotelin e Nikulaj si turist e të dashur mes tyre sjellje të cilat askush nuk mundi ti zbulojë deri në kryerjen e vrasjes.
Vrasjen të cilën në më pak se 10 sekonda e kryen portugezi me Shtetësi Britanike Ruben Saraiva i vetmi person që ndodhet përpara drejtësisë shqiptare.
Edmond Haxhia, porositësi dhe organizatori i atentatit mafioz, si edhe katër bashkëpunëtorët anglezë që kanë luajtur rolin e vëzhguesit, Thomas Mithan, Steven Hunt, Harry Simpson mbahen në paraburgim në Britaninë e Madhe, ndërsa Harriet Bridgeman, 28 vjeçe u la në arrest shtëpie pasi kërkoi gjykata atje vlersoi se ajo është nënë e një vajze të mitur dhe s’ka kush kujdeset për të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
