Pas aktorit të mirënjohur Robert Ndrenika edhe aktorja Tinka Kurti është shfaqur së fundmi në një spot të Partisë Socialiste për zgjedhjet e 25 prillit.
Në mesazhin e saj, aktorja dëgjohet të thotë se në kohë të vështira Shqipërisë i duhet Edi Rama, pasi vetëm ai sipas saj lufton për vendin.
“Kur lumenjtë dalin nga shtrati, kur sëmundja kërcënon jetën tonë . Kur përballemi me kohë më të vështira, Shqipërisë i duhet Edi Rama, ai nuk ndalet kurrë. Ai lufton për ne dhe punon për Shqipërinë si askush tjetër”, shprehet Tinka Kurti.
Kurti është një tjetër personalitet i rëndësishëm i artit shqiptar që është bërë pjesë e fushatës së kryeministrit Rama, pasi kujtojmë se në spotin e parë në nisje të betejës së 25 prillit protagonist ishte aktori Robert Ndrenika, i cili solli premtimet e socialistëve për mandatin e tretë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
