Shpërndarja e disa videove në rrjetet sociale ku qentë e rrugës merren forcërisht nga bashkia e Tiranës ka ngritur në protestë disa aktivistë të shoqërisë civile.
Nën moton “Stop rrëmbimit dhe vrasjes së qenve”, ata janë paraqitur përpara bashkisë së Tiranës, për të kërkuar t’i jepet fund kësaj masakre që po u bëhet katër putroshëve.
Aktivistët pretendojnë se qentë vriten në një godinë të ngritur në Kombinat që shërben si qendër veterinare.
Sipas tyre, bashkia duhet të krijojë ambiente të posaçme strehimi për kafshët dhe jo t’i asgjësojë.
Protesta më pas u zhvendos në qendrën e veterinare në zonën e Kombinatit, pikërisht aty ku pretendohet se bëhet vrasja masive e qenve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
