Danimarka nuk raportoi asnjë vdekje të lidhur me koronavirusin për herë të parë prej 13 marsit.
Gjatë 24 orëve të fundit, numri i të infektuarve u rrit për 78, në 10,791, ndërsa numri i hospitalizimeve ra për 10, në 137.
"Moment historik: Në ditën e fundit kemi pasur 0 vdekje si rezultat i COVID-19 në Danimarkë", tha ministri i Shëndetësisë, Magnus Heunicke, në Twitter.
Danimarka ka hyrë në fazën e dytë të lehtësimit të masave të izolimit, duke lejuar rihapjen e shkollave për fëmijët më të rritur, postave tregtare dhe restoranteve.
Me gjithë lehtësimin e masave, e ashtuquajtura shkallë e riprodhimit, e cila tregon numrin mesatar të infeksioneve të shkaktuara nga një person me virus, ra në 0.7 në javën e parë të majit, nga 0.9. "Kjo pasqyron faktin se epidemia është në rënie të shpejtë", tha Christian Wejse, shkencëtar në departamentin e sëmundjeve infektive në Universitetin Aarhus.
Deri më tani, sipas autoriteteve shëndetësore, 83 për qind e të diagnostikuarve me koronavirus në Danimarkë janë shëruar. Nga ata që kanë vdekur, 87% kanë qenë mbi 70 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
