Zëvendëskryeministri Niko Peleshi e cilëson spektakolar rezultatin e zgjedhjet e pjesshme në Kolonjë. Në takimin e përfaqësuesve të aleancës së majtë me votuesit e Kolonjës, Peleshi tha se mbështetja e tyre ka rezultuar përtej parashikimeve.
“Ajo që më ka prekur thellë është vota e atyre zonave ku jo vetëm në 25 vjet, por as në 3 vitet tona të qeverisjes nuk kemi mundur të bëjmë shumë. Vota e tyre është provë se programet dhe reformat tona kuptohen nga votuesit. Siç e keni dëgjuar edhe nga Rama, është e vërtetë dhe mbështetja për PS për reformat është te gruaja. Kam mbetur i mahnitur nga mbështetja e grave të Kolonjës. Kolonja tregoi se ka shumë të rinj me ëndrra dhe dëshira. Unë dua t’u siguroj se do ta lexoj shumë thellë votën tuaj, do të marr mesazhet e qarta që kjo votë dha dhe do t’i kthej në punën time të përditshme”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
