“Djathtas 1912”, Alibeaj dhe tre deputetë të tjerë prezantojnë partinë e re

“Djathtas 1912” është partia më e re në vend, e prezantuar nga deputeti i larguar nga Partia Demokratike, Enkelejd Alibeaj.

Në një aktivitet të zhvilluar paraditen e sotme, Alibeaj së bashku me tre deputetët e tjerë, Flutura, Açka, Arbi Agalliu dhe Seladin Jakupllari prezantuan partinë e re.

Pjesë e saj janë edhe disa ish-figura të Partisë Demokratike, si Agron Kapllanaj, Edvin Kulluri, Rezart Kthupi dhe Roland Bejko.

Në fjalën e tij, Alibeaj tha se me partinë e re synohen të ofrohen vlera dhe parime shqiptarëve.

U prezantojmë shqiptarëve kartën e vlerave dhe parimeve të “Djathtas 1912”.

Ne besojmë në parimet e spektrit të djathtë që ka në thelb liritë e individit. Shteti i së drejtës është themeli ynë.

Ekonomia kombëtare duhet të bazohet tek prodhimi.

Po ashtu shpërndarja e drejtë e aseteve kombëtare është jetike për një shoqëri të drejtë për këdo.

Familja është baza e zhvillimit shoqëror për ne.

Ndërsa Agalliu tha se janë kundër akteve të dhunës në Kuvend, si dhe u shpreh pro listave të hapura në zgjedhje.