Rekorde aspak të mira janë shënuar ditën e sotme përsa i përket pandemisë së koronavirusit në botë. Sipas asaj që raporton BBC në 24 orët e fundit është kaluar numri i 600.000 personave që kanë humbur jetën për shkak të kësaj sëmundje. Një e katërta e vdekjeve, afërsisht 150. 000 viktima numërohen në Amerikë, që është edhe shteti më i goditur.
Jo vetëm kaq, por sot është shënuar edhe numri rekord përsa i përket rasteve të reja brenda një ditë. Në 24 orët e fundit sipas të dhënave kanë rezultuar pozitiv me COVID 260 mijë persona në të gjithë botën.
Bashkimi Europian ndërkohë është në ditën e tretë të diskutimeve për një paketë shpëtimi, që do t’u vijë në ndihmë vendeve të rajonit. Sakaq më shumë se 3 milion vetëve në Barcelona i është urdhëruar që të qëndrojnë në shtëpi, duke iu rikthyer karantinës për shkak të numrave të lartë.
Sipas universitetit John Hopkins, që mat të dhënat e pandemisë në të gjithë botën, dero më tani numri i personave të prekur ka shkuar në mbi 14, 3 milionë. I vetmi lajm i mirë vjen nga Italia që sot nuk ka shënuar asnjë viktimë në Lombardi, hera e parë që ndodh që pas 22 shkurtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
