Ish-drejtori i farmacisë “Turing Pharmaceuticals”, shqiptari Martin Shkreli, ka vendosur në ankand online, në eBay, albumin e vetëm të grupit të njohur muzikor Wu-Tang.
Shkreli e kishte blerë albumin për 2 milionë dollarë në vitin 2015.
“Dëshiroj ta shes këtë album si dhuratë për Wu-Tang dhe kontributin e tyre të jashtëzakonshëm në muzikë”, ka shkruar Shkreli në eBay.
Deri më sot, vlera më e lartë e arritur në ankand e këtij albumi është 1 milion dollarë.
Shkreli, i cili në SHBA njihet me nofkën “pharma bro”, ka thënë se gjysmën e fitimit nga ky album do ta dhurojë për zbulime në fushën e mjekësisë.
Shkreli është bërë i njohur në vitin 2015 pasi ka blerë linjën e prodhimit të ilaçeve Daraprim, duke shtrenjtuar çmimin e tij nga 13.5 në 750 dollarë, një rritje kjo prej 5 000 për qind. / REL /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
