Një person ka mbetur i plagosur me thikë pasditen e sotme në fshatin Dvoran të Korçës.
Nga të dhënat paraprake mësohet se i plagosur ka mbetur 27-vjeçari Ari Kodra, i cili ndodhet në gjendje të rëndë në reanimacion.
Pak pas ngjarjes është kapur dhe autori i dyshuar, i plagosur gjithashtu, i cili është nxjerrë nga banesa i shoqëruar nga policia dhe u dërgua në spitalin e Korçës për mjekim.
Policia njoftoi zyrtarisht se rreth orës 19:00, në fshatin Mollaj, Korçë, shtetasi Ari Kodra, 27 vjeç, është dëmtuar, dyshohet me mjet prerës thikë nga shtetasi Aleks Qiqi, 41 vjeç.
27-vjeçari, po merr ndihmë mjekësore në spital. Ndërkohë autori i dyshuar i ngjarjes është shoqëruar në komisariat për veprime të mëtejshme.
Shërbimet e policisë kanë gjetur dhe sekuestruar mjetin prerës thikë që dyshohet se 41-vjeçari ka plagosur 27 vjeçarin.
Aleks Qiqi rezulton i dënuar për falsifikime, dhe vepra të tjera penale. Ai ka dalë pak kohë më parë nga burgu, i dënuar për drogë. Ndërkohë ka qenë i dënuar edhe në Greqi.
Rrethanat e ngjarjes nuk dihen ende, ndërkohë që policia ka mbërritur në vendngjarje dhe po heton për të hedhur më shumë dritë rreth tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
