Shqipëria “kërcënohet” nga  përmbytjet, bashkive u kërkohet pastrimi i kanaleve kulluese (VIDEO)

Ditët e fundit shumë vende të Europës u përballën me përmbytje masive dhe stuhi që shkaktuan dhjetëra viktima.

Situata të ngjashme priten edhe në vendin tonë, ku me risk të lartë përmbytje sipas emergjencave civile janë zonat pranë lumit Buna, të tilla si Bushati apo Obliku, por pa përjashtuar edhe qytete të tjera si Lezha.

Ndërtimet pa kriter kanë shtuar riskun e përmbytjeve në vitet e fundit, ndërkohë emergjencat civile u kanë lënë tashmë një sërë të detyrash bashkive për pastrimin e kanaleve.

Kapacitetet nuk janë të mjaftueshme, por bashkitë marrin një fond të dedikuar për emergjencat ku parashikohet qartë se kur përdoret.

Përmbytjet shpeshherë kanë krijuar situata problematike duke shkaktuar dëmë si në banesa ashtu edhe në të mbjella.