Një avion luftarak i forcave ajrore greke është rrëzuar në Detin Egje, pasi u kthye nga një mision për të kapur avionët turq që shkellin territorin helen.
Zyrtarët thanë se Mirage 2000-5 u rrëzua të enjten në veri të ishullit Skyros, ndërsa piloti i avionit ka humbur jetën por nuk dhanë informacione për shkakun e mundshëm të rrëzimit.
Forcat Ajrore Helenike thanë në një deklaratë se autoritetet humbën kontaktin me avionin rreth 9 milje në verilindje të ishullit në orën 12.15. Patrullimi është intensifikuar në javët e fundit pas rritjes së tensioneve mes Greqisë dhe Turqisë për hapësirën ajrore dhe detare të kontestuar.
Ushtarët grekë gjuajtën duke paralajmëruar një helikopter turk, pasi u afrua të hënën në një ishull të vogël grek të Ro në Egjeun lindor. Helikopteri i rojes bregdetare turke, fluturoi përgjatë kufirit të jashtëm të zonës së identifikimit të kontrollit ajror mes dy vendeve, që janë të dy anëtarë të NATO-s.
Media greke "Kathemerini", raporton se piloti i avionit u gjet i vdekur dhe ai është 34-vjeçar George Baltadoros, i lindur në Mavrovouni, Karditsa.
Lajmi i vdekjes së tij u njoftua pas një mesazhi në Twitter nga Ministri i Mbrojtjes Kombëtare, Panos Kammenos.
"Një pilot grek bashkohet me panteonin e heronjve. Ai ra për hir të besimit duke luftuar për mbrojtjen e sovranitetit tonë kombëtar dhe integritetit territorial. Atdheu sot është i trishtuar", shkruan Kammenos.
Ndërsa mediat turke duke cituar zyrtarët vendas thonë se ata janë vërtet të keqardhur për incidentin, por kur avioni greke ra, nuk kishte asnjë aeroplan turk aty pranë.
Tensionet midis Greqisë dhe Turqisë janë rritur në javët e fundit. Një gjykatë turke hodhi poshtë kërkesat për dy ushtarë grekë të arrestuar në Turqi për t'u liruar nga paraburgimi.
Të dy u arrestuan javën e kaluar për shkak se dyshoheshin të hynin në një zonë ushtarake turke dhe dyshonin për tentativë të spiunazhit.
Në shkurt, anija e rojeve bregdetare greke u dëmtua nga një anije patrullimi turke jashtë ishujve të diskutueshëm në Egjeun lindor dhe anijet luftarake turke penguan një platformë eksploruese të gazit nga shpimet pranë Qipros.
Turqia ndërkohë është zemëruar nga vendimet e gjykatës në Greqi duke kundërshtuar ekstradimin e tetë ushtarakëve të kërkuar nga Ankara për përfshirjen e tyre të dyshuar në një grusht shteti të dështuar në 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
