Vatikani ka refuzuar takimin e kërkuar të sekretarit të Amerikës, Mike Pompeo, me Papa Françeskun. Selia e Shenjtë tha se papa nuk pranon të takohet me politikanë në periudha zgjedhore.
Ky refuzim vjen edhe pas deklaratave të Mike Pompeo-s për Kinën dhe Kishën Katolike. Si rrjedhojë, Vatikani akuzoi Pompeo-n se po përpiqej të përdorte çështjen për të fituar vota për zgjedhjet presidenciale të nëntorit.
Në fillim të shtatorit, Pompeo deklaroi se Kisha Katolike po rrezikonte ‘autoritetin e saj moral’ duke rinovuar marrëveshjet me Kinën në lidhje me me emërimin e peshkopëve.
Donald Trump merr mbështetje nga lëvizjet fetare konservatore, përfshirë votuesit konservatorë katolikë, disa prej të cilëve mendojnë se Papa Françesku është shumë liberal.
Dy diplomatët e lartë të Vatikanit, Sekretari i Shtetit, Kardinali Pietro Parolin dhe Ministri i Jashtëm Kryepeshkop Paul Gallagher, thanë se Papa Françesku nuk do të presë Pompeo-n.
"Papa tashmë e ka thënë qartë se figurat politike nuk merren në periudhat zgjedhore. Kjo është arsyeja", tha Kardinali Parolin, sipas agjencisë së lajmeve AFP.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
