Shitja e pijeve energjike fëmijëve është ndaluar në Britani. Të pasura me nivel të lartë kafeine dhe sheqeri, këto pije janë lidhur me një sërë problemesh te fëmijët, si dhimbje koke e stomaku, hiperaktivitet, pagjumësi dhe obezitet.
Shpesh këto pije janë më të pasura me sheqer dhe më të lira se pijet e tjera joalkoolike. Sipas të dhënave të qeverisë britanike, 2/3 e fëmijëve britanikë të moshës 10-17 vjeç dhe ¼ e fëmijëve të moshës 6-9 vjeç i konsumojnë këto pije.
Nisma është mbështetur nga mësuesit dhe autoritetet shëndetësore britanike. Pritet që pas konsultimeve të përcaktohet edhe mosha nën të cilën nuk lejohet shitja e pijeve energjike (16 ose 18).
Një nismë të ngjashme ndërmori pak kohë më parë edhe Koreja e Jugut, ku pas problemeve shëndetësore të nxënësve u ndalua shitja e kafes për nxënësit e shkollave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
