Një vrasje është shënuar ditën e sotme në Fier.
Një person është gjetur i vrarë me armë zjarri në një mjet. Trupi i pajetë është gjetur në një makinë tip Voklsvagen me targë AA 166IY.
Ngjarja ka ndodhur në fshatin Qendër të Fierit, afër hekurudhës. Policia thotë se viktima E. Pata është gjetur i vrarë brenda makinës së tij.
Policia ka mbërritur në vendin e ngjarjes, ku po bën verifikimet e para. Ndërkohë mësohet se një mjet i djegur, i cili dyshohet të jetë përdorur nga autorët e vrasjes, është gjetur disa qindra metra më poshtë, në rrugën nacionale.
Njoftimi i policisë
Më datën 20.11.2016 ora 13:50, në aksin rrugor Fier – Seman, në vëndin e quajtur "Qenas", në mjetin tip "Volkswagen" me targa AA 166 IY është gjetur i vdekur, i vrarë me armë zjarri shtetasi M.P, 34 vjeç, banues në Tepelenë, person me precedent penal. Si dhe ka mbetur i plagosur drejtuesi i mjetit nje 38 vjeçar i cili eshte transportuar ne spital jashte rrezikut per jeten. Në fshatin Zhupan, Fier, në vëndin e quajtur "Mbikalimi" është gjetur duke u djegur mjeti tip "Benz" me portobagazh dhe brenda në mjet janë gjendur dy armë zjarri automatik. Policia po punon për identifikimin dhe kapjen e autorit. Ne vendngjarje ka shkuar grupi hetimor dhe po punohet për zbardhjen e kësaj ngjarje. Forca te shumta te Policise po krehin zonen ku u gjet automjeti me armet e zjarrit per te bere te mundur kapjen e autoreve. Ne te gjitha rruget qe lidhen me vendin ku u gjet automjeti i djegur jane ngritur pika kontrolli nga policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
