Asambleja e Përgjithshme e Kombeve të Bashkuara po mblidhet tani ndërsa Rusia vazhdon sulmin ndaj Ukrainës.
Në fjalën e tij të hapjes, Presidenti i Asamblesë së Përgjithshme, Abdulla Shahid bëri thirrje për armëpushim. Ai u bëri thirrje palëve që të përdorin mundësinë e dialogut për të de-përshkallëzuar sa më shpejt situatën.
Shahid ka thënë se kuvendi përfaqëson ndërgjegjen kolektive të njerëzimit dhe forca e tij është e rrënjosur në autoritetin e tij moral.
Mbani mend, të 193 vendet kanë një fjalë në Asamblenë e Përgjithshme, ndryshe nga Këshilli i Sigurimit i cili ka pesë anëtarë të përhershëm, me veto dhe 10 anëtarë jo të përhershëm që mbajnë mandate dyvjeçare.
Shahid u ka kërkuar të gjitha kombeve të demonstrojnë kurajo morale dhe të përdorin debatin gjatë ditëve të ardhshme jo për "të nxitur retorikën e luftës, por për t'i dhënë paqes një shans".
Ai u kujtoi gjithashtu 193 anëtarëve të OKB-së se në vitin 1946 Lidhja e Kombeve u shpërbë për shkak të dështimit të saj për të siguruar një mekanizëm për zbatimin e sigurisë kolektive ndërkombëtare.
Ai tha se OKB-ja u themelua për të marrë masa efektive kolektive për parandalimin dhe heqjen e kërcënimeve ndaj paqes.
Diplomatët presin një votim mbi një projekt-rezolutë, e cila është ende duke u negociuar.
Këshilli i Sigurimit i OKB-së e thirri këtë sesion pasi u pengua të vepronte kur Rusia vuri veton ndaj një projekt-rezolute të SHBA-së të premten, e cila dënonte agresionin e saj kundër Ukrainës dhe kërkonte tërheqjen e menjëhershme të të gjitha trupave të saj nga vendi.
Draft rezoluta e AP pritet të kalojë sepse asnjë komb nuk ka të drejtën e vetos në këtë dhomë, por nuk është ligjërisht detyruese si rezolutat e Këshillit të Sigurimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
