Gjigandi i blerjeve online Amazon ka thënë se është "krenar" për kontributin e tij në ekonominë e Mbretërisë së Bashkuar, pasi ka zbuluar rezultatet më të fundit financiare.
Firma pagoi 492 milion £ taksa të drejtpërdrejta ndërsa shitjet u rritën 50% në 20.63 miliardë £.
Amazon dhe firmat e tjera të teknologjisë, të cilat paguajnë tatim mbi fitimet dhe jo shitjet, janë përballur me kontroll mbi nivelin e faturave të tyre tatimore në Mbretërinë e Bashkuar.
Por Amazon tha se kishte investuar 32 miliardë në infrastrukturën e Mbretërisë së Bashkuar që nga viti 2010.
"Ne jemi krenarë për kontributin e rëndësishëm ekonomik që po japim në ekonominë e Mbretërisë së Bashkuar," tha Amazon në një deklaratë.
"Duke parë përpara, ne e dimë që Mbretëria e Bashkuar mbetet plot mundësi dhe ne vazhdojmë të jemi të ngazëllyer nga potenciali për të vazhduar të investojmë, të krijojmë vende pune, të zhvillojmë talente dhe të kemi një ndikim pozitiv në komunitetet në të gjithë vendin," shtohet deklarata.
Shitjet totale të Amazon në Mbretërinë e Bashkuar, u rritën në 20.63 miliardë gjatë vitit 2020, një rritje më shumë se 50% nga 13.73 miliardë në vitin 2019.
Ndërkohë që fatura e taksës direkte u rrit me më shumë se dy të tretat në krahasim me 293 milion paund që pagoi vitin e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
