Anija hapësinore ruse Soyuz MS-25 u ul në Tokë të martën rreth 3 orë e gjysmë pasi u shkarkua nga Stacioni Ndërkombëtar i Hapësirës, në stepën e Kazakistanit me dy kozmonautët Roscosmos Nikolai Chub dhe Oleg Kononenko në bord, të cilët vendosën rekord të ri për qëndrimin në orbitë dhe astronauten e NASA-s, Tracy C. Dyson.
Kononenko, si kolegu i tij rus Chub, mbërritën në stacionin hapësinor shtatorin e kaluar me Soyuz Ms-24. Dy rusët kthehen në Tokë pas 374 ditësh në hapësirë dhe 5984 orbitash, një arritje që Roscosmos e feston si rekordin e ri të kohëzgjatjes për një mision të vetëm në ISS.
Rekordi i mëparshëm, prej gati 371 ditësh, i përkiste kozmonautëve Sergei Prokopyev, Dmitry Petelin dhe Frank Rubio të NASA-s, të cilët jetuan në ISS nga shtatori 2022 deri në shtator 2023.
Kononenko, në fluturimin e tij të pestë në hapësirë, shënon rekordin absolut për koha më e gjatë e kaluar në orbitë, plotë 1111 ditë.
Amerikania Tracy C. Dyson, kaloi 184 ditë në stacionin hapësinor, duke bërë 944 orbita rreth Tokës. Astronautja mbërriti në orbitë në fund të marsit me Soyuz Ms-25, së bashku me kozmonautin Roscosmos Oleg Novitskiy dhe gruan e parë bjelloruse në hapësirë Marina Vasilevskaya.
Novitskiy dhe Vasilevskaya qëndruan në stacion për 12 ditë përpara se të ktheheshin në shtëpi me astronauten e NASA-s Loral O’Hara më 6 prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
