Kompania shtetërore e Energjisë Elektrike e Ganës (ECG) ndërpreu të enjten furnizimin me energji elektrike për parlamentin e vendit për shkak të një borxhi prej 23 milion cedi ganez, ose 1.8 milion dollarë.
Ndërprerja e energjisë, ndërpreu një debat mbi fjalimin e presidentit për gjendjen e kombit.
Një video e shpërndarë nga mediat lokale tregoi deputetët në dhomën me ndriçim të dobët duke brohoritur: “Dumsor, dumsor”, që do të thotë ndërprerje e energjisë në gjuhën lokale Akan.
Mediat lokale raportuan se një gjenerator rezervë riktheu energjinë disa minuta më vonë.
Por pjesë të tjera të ndërtesës së parlamentit mbetën pa energji për pjesën më të madhe të ditës përpara se të riktheheshin furnizimet.
Drejtori i komunikimit i kompanisë energjetike William Boateng i tha agjencisë së lajmeve Reuters se kishte përdorur ndërprerjen e energjisë për shkak të refuzimit të parlamentit për të “nderuar kërkesën për të paguar detyrimet”.
Energjia elektrike u rivendos më vonë gjatë ditës pasi parlamenti pagoi gjysmën e detyrimit dhe u zotua për të shlyer borxhin e mbetur brenda një jave, shtoi Boateng.
Kompania e energjisë elektrike e Ganës, e cila po përballet me vështirësi të mëdha financiare, shpesh shkëput energjinë nga klientët me borxhe.
Vitet e fundit, mungesat e energjisë janë përkeqësuar ndërsa vendi po përballet me krizën e tij më të keqe ekonomike në një dekadë.
Furnizuesit privatë të energjisë elektrike u detyrohen 1.6 miliardë dollarëve nga kompania shtetërore e energjisë, sipas Elikplim Kwabla Apetogbor, kreu i organizatës që i përfaqëson ata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
