Kontrata qeverisëse mes Lega-s dhe Lëvizjes 5 Yjet ka marrë dritën jeshile të anëtarësisë së kësajë të fundit. “42 274 kanë votuar pro dhe 2 522 kundër. Lëvizja 5 Yjet miraton kontratën për qeverinë e ndryshimit”, tha lideri i 5 Yjeve, Luigi Di Maio.
Ish-kryeministri Silvio Berslukoni nuk duket i kënaqur me këtë fakt. Aleati i Lega-s thotë se pavarësisht koalicionit parazgjedhor, nuk është ndier i përfaqësuar.
“Salvini nuk ka folur kurrë në emër të koalicionit të qendrës së djathtë. Ai ka folur gjithnjë në emër të partisë së vet dhe në emrin e vet personal. Koalicioni me një program të përbashkët është absolutisht tjetër gjë dhe nuk ka lidhje me Lëvizjen 5 Yjet. Në këtë moment me Salvinin na ndajnë shumë gjëra”, tha ai.
I çliruar nga dënimi që e ndalonte të merrte detyra publike, ai nuk e ka fshehur ambicien për kryeministër sërish, edhe pse tepër vonë. “Mendoj se detyra e formimit të qeverisë së re i takon qendrës së djathtë. Jemi të sigurt se kemi shumicën në Parlament. Unë ndihem gati dhe besoj se nuk ka tjetër kandidat që mund të krahasohet me mua”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
