Jepet alarmi i klimës në një raport nga agjencia e Organizatës së Kombeve të Bashkuara, Unfccc.
Angazhimet aktuale për dekarbonizimin të bëra nga 193 vendet që nënshkruan marrëveshjen e Parisit për klimën, do të çojnë në një rritje të temperaturave mesatare globale prej 2.5 gradë Celsius në vitin 2100 krahasuar me nivelet para-industriale. Marrëveshja parashikon që ngrohja globale të mbahet nën 2 gradë dhe ndoshta brenda 1.5 gradëve.
Raporti tregon se angazhimet aktuale të kombinuara të vendeve do të rrisin emetimet e gazeve serrë me 10.6% deri në vitin 2030 krahasuar me vitin 2010. Ky është një përmirësim në krahasim me vlerësimet e vitit të kaluar, të cilat zbuluan se vendet ishin vendosur të rrisin emetimet me 13.7% deri në vitin 2030 krahasuar me vitin 2010.
Analiza e vitit të kaluar tregoi se emetimet e parashikuara do të vazhdojnë të rriten edhe pas vitit 2030. Analiza e këtij viti tregon se ndërsa emetimet nuk do të rriten më pas vitit 2030, ato ende nuk po tregojnë tendencë drejt asaj rënieje të shpejtë, që shkenca e sheh të nevojshme në këtë dekadë.
Rritja e angazhimeve të dekarbonizimit të vendeve individuale do të jetë një nga temat qendrore të konferencës së ardhshme të klimës së OKB-së, në Sharm el Sheik në Egjipt, nga 6 deri më 18 nëntor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
