Holanda do të kufizojë lejet për azilkërkuesit në një maksimum prej tre vjetësh dhe do të vendosë kontrolle kufitare muajin e ardhshëm, si pjesë e një shtrëngimi më të gjerë të migracionit për shkaqe azili, deklaroi të premten kryeministri holandez Dick Schoof.
Kufizimi është pjesë e një pakete masash që synojnë frenimin e migracionit me qëllime azili, një objektiv i qeverisë së re të krahut të djathtë të udhëhequr nga partia anti-muslimane PVV e Geert Wilders.
Përveç heqjes së lejeve të shumta qëndrimi pasi dikush të jetë regjistruar si azilkërkues, qeveria do të heqë edhe strehimin preferencial për ata azilkërkues që lejohen të qëndrojnë dhe në vend të saj do të ofrojë njësi bazë të përbashkëta, duke kufizuar mundësitë që ata të ribashkohen me familjet.
Pas skadimit të tre viteve, lejet do të rivlerësohen për të parë nëse dikush duhet të largohet apo t’i jepet një zgjatje.
Qendrat e paraburgimit për azilkërkuesit e refuzuar ose pa dokumente do të zgjerohen, me qëllim kthimin e tyre të shpejtë në vendin e origjinës, tha Schoof.
Pas një lëvizjeje të ngjashme nga Gjermania fqinje muajin e kaluar, Holanda do të prezantojë kontrolle të synuara kufitare nga fundi i nëntorit që synojnë trajtimin e migracionit të paligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
