Kur kanë mbetur vetëm 9% e votave pa u numëruar, koalicioni parazgjedhor i formuar mes PDK-së, AAK-së dhe NISMA-s, po kryeson zgjedhjet e parakohshme parlamentare, teksa ka bërë për vete 34.66% të elektoratit.
I ashtëquajturi koalicioni PAN ndiqet nga Lëvizja Vetvetndosje. Kjo forcë politike ka arritur të grumbullojë 26.75% të votave, duke shënuar kështu një rritje të konsiderueshme në krahasim me zgjedhjet e fundit të vitit 2014.
Ndërkohë, një rezultat zhgënjyes ka arritur koalicioni mes LDK-së, AKR-së dhe i disa partive të tjera.
Ky grupim parazgjedhor ka mundur të bëjë për vete 25.81% të votuesve. Rezultatet kanë krijuar pikëpyetje të mëdha mbi ardhmërinë politike të Kosovës, pasi asnjë forcë nuk ka arritur të fitojë mbi gjysmën e votave.
Tashmë mbetet të shihet nëse palët do të mund të arrijnë marrëveshje pas zgjedhore.
Ky skenar mbetet disi i komplikuar në një kohë kur skena politike kosovare ka qënë mjaft e trazuar.
Duke parë shifrat paraprake, ekspontentë nga PDK, AAK dhe NISMA kanë ftuar Lëvizjen Vetvendosje për një koalicion qeverisës.
Nga ana tjetër, thuajse i pamundur duket një koalicion mes PAN dhe Lidhjes Demokratike të Kosovës.
Sa i përket votimit në tërësi, KQZ bëri të ditur se pjesmarrja e qytetarëve ka qenë në masën 41.45%, shifër kjo edhe më e ulët në krahasim me zgjedhjet paraardhëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
