Vetëm 16 vjeç, por tashmë një prestigjator profesionist.
I ftuar në emisionin e mëngjesit “Zgjohu me MCN”, Klesti Koxha ndau historinë e tij frymëzuese për mënyrën si e nisi dhe zhvilloi pasionin për truket magjike.
Në studio, ai vendosi në lojë moderatorët, duke i befasuar me disa truke mbresëlënëse me letra, që nxorën reagime të forta dhe shumë të qeshura.
Kam rreth 4-5 vite që merrem me magji.
Stërvitem rreth dy orë në ditë, sepse praktikimi është çelësi kryesor për të përmirësuar çdo truk dhe për ta bërë atë sa më bindës.
E nisa duke i bërë truket te shokët. Më pëlqeu mënyra si reaguan, e ndjeva që kjo gjë më përkiste.
Nuk ka pasur ndonjë ‘bujë’ të madhe, por për mua ka qenë gjithmonë një hobi i sinqertë, jo diçka që e shoh për famë apo fitime.
Sipas Klestit, për t’u bërë prestigjator i mirë, nuk mjafton vetëm dëshira.
Duhet pasion, durim dhe vendosmëri.
Dhe mbi të gjitha, të dish kur të thuash ‘stop’ sepse jo çdo gjë ka nevojë për një truk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
