Dy persona rezultojnë të zhdukur dhe dy të tjerë u plagosën rëndë kur një shpellë akulli u shemb në juglindje të Islandës, ndërsa një grup turistik po vizitonte zonën, tha policia.
Një grup prej 25 personash ishin në një turne të organizuar në akullnajën Breiðamerkurjökull me një udhërrëfyes kur shpella u shemb.
"Katër persona u ngecën nën akull, dy persona tashmë janë shpëtuar nga akulli dhe janë plagosur rëndë," tha policia e Sudurland të dielën. “Kërkimet vazhdojnë për dy personat e bllokuar në shpellën e akullit”, vazhdoi deklarata.
Mediat islandeze raportuan se dy helikopterë nga roja bregdetare e vendit ishin dërguar dhe ambulanca dhe policia ishin thirrur gjithashtu në vendngjarje.
Akullnaja ku ndodhi aksidenti është afër lagunës akullnajore Jökulsárlón, një nga destinacionet turistike më të njohura të Islandës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
