Një rast vjedhjeje me dhunë ka ndodhur në fshatin Pejkë të Maqellarës, ku janë arrestuar si autorë të dyshuar dy vëllezër, F. M., 25 vjeç dhe A. M., 27 vjeç.
Policia bën me dije se ata hynë në banesën e një shtetase dhe i vodhën me dhunë një shumë parash si dhe sende personale, si varëse dhe orë.
NJOFTIMI
Finalizohet nga Komisariati i Policisë Dibër, operacioni policor i koduar "Goods", për goditjen e veprimtarisë kriminale të vjedhjes së pronës dhe pasurisë. I vodhën me dhunë para dhe sende personale në banesë, një shtetaseje, falë veprimeve të shpejta dhe profesionale të shërbimeve të Policisë, identifikohen dhe vihen në pranga 2 vëllezërit.
Shërbimet e Komisariatit të Policisë Dibër, në bashkëpunim me shërbimet e Postës së Policisë Maqellarë, pas marrjes së njoftimit se 2 persona të paidentifikuar kishin hyrë në banesën e një shtetaseje, në fshatin Pejkë dhe i kishin vjedhur me dhunë, një shumë parash dhe sende personale (varëse dhe orë), menjëherë kanë organizuar punën për identifikimin dhe kapjen e tyre, në kuadër të operacionit policor të koduar "Goods".
Si rezultat i veprimeve të shpejta profesionale, nga ana e shërbimeve të Policisë u bë identifikimi, kapja dhe ndalimi i shtetasve:
-F. M., 25 vjeç dhe A. M., 27 vjeç, (vëllezër) banues në fshatin Pejkë, Maqellarë, për veprën penale "Vjedhja me dhunë", kryer në bashkëpunim. Materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
