Zululand ka vijuar pjesën e dytë me të ftuarit e një dite më parë, juristin Çlirim Gjata dhe gjyqtarin Florjan Kalaja, gjithmonë pë të komentuar mbi Reformën në Drejtësi.
Pjesa e parë e bisedës këtë të mërkurë u fokusua mbi debatin se a janë apo jo të nevojshme ndryshimet në kushtetutë dhe a na garanton kjo Kushtetutë që kemi një shtet të së drejtës.
Dy të ftuarit e Mustafa Nanos ndanë mendime të ndryshme rreth kësaj teme.
Gjata tha se ai ishte skpetik sa i përket garantimit të drejtësisë nga kjo kushtetutë, pasi sipas tij ajo ka krijuar shtratin për këtë korrupsion, i cili sot është kthyer në fenomen jo thjesht në shqetësim.
Ndërsa gjyqtari Kalaja ndau një opinion të ndryshëm. Ai tha se “Kushtetuta jonë aktuale është funksionale dhe mund të garantojë një shtet të së drejtës”. Më tej Kalaja u shpreh se Reforma në Drejtësi nuk mbaron kurrë. “ Reforma nuk është qëllim në vetvete, por duhet të vijë nga vet aktorët e brendshëm”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
