Banorët e zonës së Torovicës në Lezhë, po përballen me vështirësi për shkak se kanë një rast vdekje dhe është e pamundur nxjerrja e të vdekurit për të varrosur për shkak të nivelit të lartë të ujit, i cili e kalon 1 metër.
Pas kërkesës së familjeve në zonë kanë mbërritur forcat e ushtrisë nën drejtimin e prefektit Gjergj Prendi, ku do të ndërhyhet me mjete lundruese për të marrë të vdekurin dhe për ta përcjellë për në banesën e fundit.
Në fushën e Torovicës janë të përmbytura rreth 500 hektarë tokë bujqësore si dhe janë të rrethuara nga uji shumë banesa, duke e bërë të pamundur lëvizjen e banorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
