Ish-deputeti i LZHK-së, Dashamir Shehi, ka komentuar deklaratat e fundit të Sali Berishës lidhur me mungesën e hapësirës për opozitën në media, duke theksuar se problemi i mediave në Shqipëri lidhet me të dyja palët e politikës.
Në emisionin “Të Paekspozuarit” në MCN TV, Shehi u shpreh se si Edi Rama ashtu edhe Sali Berisha kanë ndikuar në dobësimin e medias publike.
Këta nuk e duan shtetin. Pra ti po më lavdërove je i mirë. Në një shtet serioz, burrat e shtetit ngrenë një media publike. Në këtë shtet këta të dy e kanë rrënuar median publike.
Nuk mund të zhdukësh publiken. Nga këtu fillon manipulimi. Sa njerëz punojnë te publiku.
Doli se privati është më i zoti se publikun e kanë dhunuar të parët përfaqësuesit publikë. Media duhet të kritikojë edhe ajo publike qeverinë e vet. TVSH është konsideruar vegla e qeverisë. i teket që vë e heq si të dojë.
TVSH ka 7-8% të audiencës. Turp i madh.
Ky në ora 7:30 del në podkast. Mediat shkojnë e xhirojnë podkastin e tij. Ky thotë po më sulmon media. Atij t’i vijë turp që e lidhin mediat atje.
Të gjitha këto, nuk e di kjo e juaja se te zyra ime nuk e kap, mbaron kjo punë, fillon zotëria tjetër. Jep shpjegime për të gjitha se edhe ky i di të gjitha. Kjo është media.
Mes kësaj kushedi mbase më vjen radha edhe mua. Media është politika editoriale që bëjnë pronarët. Këta e kanë bllokuar median në Shqipëri dhe po këta ankohen për mediat.
Qytetarët nuk shohin hallin e vet aty. Media e lirë bëhet me Parlament, me para publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
