Sekretari i Përgjithshëm i NATO-s, Jens Stoltenberg, ka përjashtuar mundësinë që Polonia të interceptojë raketat ruse mbi territorin ukrainas, duke këmbëngulur se blloku nuk dëshiron të përfshihet drejtpërdrejt në konfliktin me Moskën.
Kievi i ka kërkuar anëtarit të NATO-s Varshavës që të përdorë aftësitë e saj të mbrojtjes ajrore për të mbrojtur Ukrainën perëndimore pa i larguar sistemet nga toka polake. Ideja u hodh në kuadrin e një marrëveshje të fundit dypalëshe sigurie polako-ukrainase dhe thuhet se u diskutua në samitin e NATO-s të javës së kaluar në Uashington.
Në një intervistë të dhënë në margjinat e eventit për televizionin shtetëror ukrainas, Stoltenberg tha se pozicioni i NATO-s nuk kishte ndryshuar dhe se më e mira që mund të presë Kievi është ndihma në shënjestrimin e avionëve luftarakë rusë me sisteme të armëve të operuara nga forcat ukrainase.
Ideja e NATO-s për të interceptuar raketat ruse mbi Ukrainën ishte hedhur poshtë më parë nga shtetet anëtare, përfshirë Poloninë. Ministri i Mbrojtjes Wladyslaw Kosiniak-Kamysz ka thënë se Varshava nuk do të angazhohet në një gjë të tillë pa mbështetjen e anëtarëve të tjerë.
“Nëse NATO nuk merr një vendim të tillë, Polonia nuk do ta marrë atë individualisht”, theksoi ministri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
