Të gjithë ata që kanë një smartfon, nuk mund të mos jenë ankuar të paktën njëherë për papastërtitë që mblidhen në të. Por japonezët e kanë gjetur zgjidhjen e këtij problemi dhe ajo është më e thjeshtë nga sa mund ta mendoni. Mjafton ta vendosni smartfonin nën çezmë, ta hapni ujin e ngrohtë dhe ta lani me sapun.
Kompania “Kyocera” ka lançuar aparatin e ri smartfon që mund të lahet me ujë. "Rafre" është një version më i ri dhe i përmirësuar i modelit të mëparshëm, që lahej me ujë, por kërkonte një solucion të veçantë.
Mes aplikacioneve të reja që sjell ky model është edhe ai i përgjigjes me gjeste, kur dikush të telefonon. Ky aplikacion është menduar për ata që punojnë në kuzhinë ose kanë pasion gatimin, por nuk duan të bëjnë pis telefonin kur u bie.
Aparati del në shitje në Japoni në fund të marsit në tri ngjyra: rozë e hapur, e bardhë dhe bojëqielli. / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
