Gjykata e Apelit për krimet e Rënda la të lirë ish-gjyqtarin Ibrahim Hoxha.
Hoxha u dënua dy vite për korrupsion, por pas apelit, gjykata vendosi ta lirojë duke e cilësuar si person jo të rrezikshëm.
Hoxha u arrestua në 2 Maj 2016 pasi u akuzua se mori 600 mijë lekë ryshfet për një vendim.
Sipas Prokurorisë djali i Ibrahim Hoxhës, Ledjan Hoxha, në datën 2 maj 2016, po merrte 600 mijë lekë të reja ryshfet nga një familje për të ndryshuar vendimin që kishte të bënte me një konflikt për trashëgiminë.
Po atë natë është arrestuar edhe Ibrahim Hoxha, i cili po e priste djalin e tij te dera e një lokali.
Gjykata e Apelit ka vendosur që akuzën për korrupsion aktiv ta zbusë, duke e lënë të lirë gjyqtarin Hoxha dhe e ka vendosur në shërbim prove.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
