Milo: U provua se Irani nuk ka fuqinë t’i përgjigjet Izraelit në të njëjtën mënyrë

Ish-ministri i Jashtëm, Paskal Milo, thotë se sulmet e ditëve të fundit mes Izraelit dhe Iranit treguan se ky i fundit nuk e ka fuqinë që t’i përgjigjet Izraelit në të njëjtën mënyrë. Në studion e MCN , Milo se Izraeli e ka pasur prioritet armatosjen dhe garantimin e sigurisë dhe kjo e ka bërë të ketë sot një ushtri dhe arsenal që i tejkalon dimensionet e tij si shtet. 

Irani ende nuk ka mundur dhe unë besoj që ka dëshmuar se nuk e ka fuqinë t’i përgjigjet Izraelit në të njëjtën mënyrë. Për herë të parë u pa se Irani përkundrejt një miti të krijuar se është shtet i fortë ushtarakisht, dëshmoi se nuk e ka atë potencial që është propaganduar. Reagimet e tij janë inferiore në raport me Izraelin dhe nuk mendoj këtu se ka ndonjë taktikë të qëllimshme. Irani deri tani është pak a shumë në mbrojtje, në tërheqje dhe kjo duke jo vetëm nga goditjet që ka pësuar por edhe për nga numri i forcave të infrastrukturës në sulmet kundër Izraelit. 

Izraeli dihet që është një shtet shumë mirë i organizuar dhe fuqia e tij ushtarake është në disproporcion me dimensionet e tij. I tejkalon ato. Izraeli qëkur është krijuar e deri sot e ka prioritet armatosjen e tij dhe garantimin e sigurisë së tij dhe për këtë ka bërë çmos të ketë garanci ushtarake me mbështetjen e SHBA. 

Është një e vërtetë e njohur që Izraeli në raportet me popujt arabë dhe ata myslimanë në rajon dhe më tej nuk është në marrëdhënie miqësore. Rrethohet nga bota arabo-myslimane dhe kjo është arsyeja pse i kushton vëmendje të jashtëzakonshme sigurisë dhe armatimit të tij. Janë bërë disa luftëra arabo-izraelite. Kjo ka krijuar mitin e pathyeshmërisë izraelite. Goditjet që ka dhënë kanë dëshmuar që është fuqi e madhe ushtarake që kontrollon situatën në terren.