Enrique Marquez, ish-kandidati i partisë Centrados në zgjedhjet presidenciale të 28 korrikut në Venezuelë, u arrestua nga agjentët e sigurimit të shtetit.
Grupi anti-Chavista Voluntad popular e njoftoi lajmin në mediat sociale, siç raportohet nga agjencia Efe, duke deklaruar se bëhet fjalë për “rrëmbim”.
Qeveria e presidentit Nicolas Maduro akuzohet se ka kryer një valë zhdukjesh të liderëve dhe aktivistëve të të drejtave të njeriut.
Ish-zëvendëspresidenti i Këshillit Kombëtar Zgjedhor dhe ish-deputeti, Marquez ka kërkuar në shumë raste publikimin e procesverbalit të votimeve të korrikut dhe ka hedhur poshtë vendimin e Gjykatës së Lartë të Drejtësisë, i cili vërtetoi rizgjedhjen e Maduros.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
