Pas heqjes së taksës së Rrugës së Kombit një ditë pas tërmetit të fuqishëm të 26 Nëntorit, tashmë doganat kanë hequr edhe tarifën e skanimit për mjetet që sjellin ndihma për të prekurit nga tërmetet.
Drejtoria e Përgjithshme e Doganave që nga sot ka hequr tarifën e skanimit për çdo mjet që sjell ndihma humanitare për të prekurit nga tërmeti shkatërrues i 26 Nëntorit.
DPD në bashkëpunim me kompaninë S2 Albania bën me dije se ka mundësuar nga sot në sistem mospagimin e kësaj tarife për këtë kategori mjetesh, që sjellin ndihma humanitare për një afat 30 ditor.
Kjo nismë u ndërmor në shenjë solidariteti me gjithë të prekurit nga termeti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
