Samiti për pedofilinë në Vatikan nuk mund të kalonte pa u komentuar nga presidenti i Filipineve. I njohur për deklaratat e tij kontroverse, Rodrigo Duterte, ka bërë parashikimin e tij për fatin e kishës katolike.
“Kisha Katolike do të zhduket. Brenda 25 viteve të ardhshme do të zhduket. Nuk do të ketë më, njerëzit do ta harrojnë”, tha ai.
Gjatë një eventi në Manila, kreu i Filipineve tha se shkak për rënien e kishës do të bëhen skandalet seksuale dhe korrupsioni në radhët e saj.
“Kur eksitohen, ata bij k… shkojnë pas murgeshave. nëse janë gei, shkojnë pas djemve të vegjël. Kujt i duhet një fe si kjo?”, është shprehur ai.
Deklarata tepër e ashpër u zbut pak më vonë nga zëdhënësi i tij, i cili sqaroi se “presidenti u është referuar disa priftërinjve që kanë shkelur betimin e tyre” dhe nuk ka sulmuar institucionin si një e tërë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
