Një tërmet me magnitudë 6.2 ballë i shkallës rihter u regjistrua në orën 10:19 me orën lokale në brigjet jugore të ishullit Filipineve, Luzon. Sipas të dhënave nga Instituti Kombëtar Italian i Gjeofizikës dhe Vullkanologjisë (Ingv) dhe shërbimi i monitorimit gjeologjik amerikan Usgs, tërmeti e kishte epiqendrën në rreth 120 kilometra thellësi dhe një epiqendër në brigjet e provincës Calabarzon. Shefi i policisë së bashkisë Calatagan, Emil Mendoza tha se ai dhe stafi i tij u larguan me shpejtësi pas tërmetit, i cili u ndje në zemrën e vendit me popullsi të dendur, duke përfshirë Manilën. “Tërmeti ishte pak i fortë. Na u desh të dilnim me shpejtësi”, i tha Mendoza AFP. Një zyrtar i Calatagan, Ronald Torres, tha se tërmeti zgjati midis 30 sekondave dhe një minute. Tërmeti bëri që njerëzit të dilnin me nxitim nga ndërtesat në kryeqytet. Diego Mariano, oficer informacioni në zyrën e mbrojtjes civile, tha se autoritetet po vlerësonin ndikimin e tërmetit. Për momentin, nuk ka dëme serioze ose viktima ndërkohë që vlerësimi është ende në vazhdim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
