Partitë e maxhorancës dhe ato të opozitës kanë arritur të pajtohen lidhur me Projektligjin për Shënjimin e Kufirit Shtetëror mes Kosovës dhe Malit të Zi, pas një takimi të gjatë që është mbajtur në zyrën e kryeparlamentarit të Kosovës, Kadri Veseli.
Sipas gazetës “Metro”, përfaqësuesit nga partitë politike shqiptare të përfaqësuara në Kuvendin e Kosovës, PDK, LDK, AAK, NISMA, me përjashtim të Vetëvendosjes, janë pajtuar për ratifikimin e Marrëveshjes për Demarkacionin me Malin e Zi.
Gjatë ditës Veseli kishte ftuar disa takime, në përpjekje për të gjetur një zgjidhje lidhur me votimin e Demarkacionit, si dhe për të zgjidhur mospajtimet mes LDK-së dhe AAK-së, të cilat kishin kundërshti lidhur me një pjesë të projektligjit.
Seanca për votimin e demarkacionit mbahet sot në orën 10:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
