Në orët e para të mëngjesit të sotëm ka nisur shembja e banesave në zonën e “5 Majit”, banesa të cilat preken nga projekti i Unazës së Madhe.
Të revoltuar nga shembja e shtëpive të tyre, banorët janë përplasur me policinë, duke u konfrontuar, në tentativë për të mos lejuar shembjen.
Gjithçka teksa sot është programuar shembja e 12 banesave, ndërsa banorët pretendojnë se nuk iu është ofruar dëmshpërblimi .
Në një moment është përdorur edhe gaz lotsjellës, mirëpo pavarësisht kundërshtive të banorëve, IKMT ka nisur shembjen e banesave.
Banorët që preken nga shembja e ndërtesave, kërkojnë që të shpërblehen në proporcion të drejtë me pronat që zotërojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
