Partia Demokratike ka zgjedhur Indrit Sefën si kandidat për Bashkinë e Lushnjes. Ai aktualisht mban postin e sekretarit për Çështjet Ligjore dhe Vendore në PD.
Pasi mori mbështetjen e kryesisë, Sefa tha se sfidën e ka me qytetarët.
Sfida ime është me ata, për t’u afruar një qeverisje vendore e cilësore. Luftë për inate personale neve nuk kemi, beteja jonë është ajo për të marrë Bashkinë e Lushnjes.
Kreu i degës së PD Lushnje, deputeti Saimir Korreshi, tha se propozimi i anëtarësisë dhe kryesisë do t’i dërgohet Lulzim Bashës dhe më pas merr formë ligjore.
Për Bashkinë e Lushnjës sot u zyrtarizua edhe kandidatura e Eriselda Sefës për PS, e cila prej 17 vjetësh është punonjëse e kësaj bashkie.
Ndërsa koalicioni Shtëpia e Lirisë përfaqësohet nga Elton Bano, djali i ish-deputetit të PD, Ilir Bano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
