Komisioni Qendror i Zgjedhjeve vendosi sot miratimin e fletës tip për mbledhjen e nënshkrimeve për referendumin, Kodi Penal dhe për krijimin e Regjistrit Kombëtar të Autorëve të Krimeve Seksuale.
Komisioni Qendror i Zgjedhjeve, në mbledhjen e ditës së sotme shqyrtoi projektvendimin “Për miratimin e fletës tip sipas kërkesës së Institutit Shqiptar për Zhvillimin e Sistemit të Zgjedhjeve, për nismën ligjvënëse të zgjedhësve në Republikën e Shqipërisë, për propozimin e projektligjit ‘Për referendumet në Republikën e Shqipërisë”.
Pas shqyrtimit, KQZ vendosi miratimin e fletës tip për mbledhjen e nënshkrimeve.
Po ashtu, KQZ shqyrtoi dhe miratoi projektvendimet “Për miratimin e fletës tip sipas kërkesës së komitetit përfaqësues, për nismën ligjvënëse të zgjedhësve në Republikën e Shqipërisë, për propozimin e projektligjit “Për disa shtesa dhe ndryshime në ligjin të Kodi Penal i Republikës së Shqipërisë, i ndryshuar” si dhe “Për miratimin e fletës tip sipas kërkesës së komitetit përfaqësues, për nismën ligjvënëse të zgjedhësve në Republikën e Shqipërisë, për propozimin e projektligjit “ Për krijimin e Regjistrit Kombëtar të Autorëve të Krimeve Seksuale”.
Gjithashtu, KQZ vendosi njoftimin e këshillave bashkiak për vazhdimin e procedurave për dhënien e mandatit kandidatëve të listave shumemërore, për plotësimin e vendeve vakant:
Bashkia Vau i Dejës, Paskualina Preçi
Bashkia Patos, Denisa Pëllumbaj
Bashkia Skrapar, Klajdi Kadiu
Bashkia Gjirokastër, Florika Qafzezi
Bashkia Tiranë. Liri Jani
Bashkia Tiranë, Tedi Deraj
Bashkia Kamëz, Fatjon Braka
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
