Mbrëmjen e djeshme ka përfunduar arratia e Ndriçim Jonuzit, autorit të plagosjes në këmbë sekretarin e degës së PD-së në Kavajë, Bledar Okshtuni së bashku me dy bashkëpunëtorët në konflikt Dorian Troplini, drejtor i policisë bashkiake dhe punonjësin Markel Shtylla.
Jonuzi ishte ai që shkrepi armën dhe që i shkaktoi plagën në këmbë Okshtunit i cili është aktualisht në komisariatin e Policisë së Kavajës, bashkë me dy të tjerët, të akuzuarit si bashkëpunëtorë.
Ende nuk dihen rrethanat e arrestimit të Jonuzit, i cili edhe pse ishte në kërkim nga policia foli publikisht për plagosjen. Ai pranoi autorësinë dhe tha se gjithçka kishte ndodhur pas një sherri për motive të dobëta pasi Okshtuni i kishte zënë rrugën një gruaje me shami.
Vetë Okshtuni tha se gjithçka erdhi pas një konflikti për parkimin e makinës. Duke qenë se ngjarja ndodhi në zyrat e PD-së shkaktoi reagime politike.
Kryedemokrati Lulzim Basha e konsideroi një atentat ndaj demokracisë duke akuzuar Jonuzin si të lidhur me kryeministrin Rama. Meta bëri të njëjtë gjë ndërsa kreu i qeverisë u distancua.
Mbi Ndriçim Jonuzin, 45 vjeç, rëndon akuza për veprat penale "Armëmbajtja pa leje" dhe "Plagosja e rëndë me dashje", dhe Dorian Troplini, 29 vjeç dhe Markel Shtylla, 29 vjeç për veprën penale "Moskallëzim i krimit".
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
