Gjermania ka zgjatur masat e bllokimit me një muaj tjetër dhe ka vendosur disa kufizime të reja për të frenuar rritjen e infektimeve me Covid-19 dhe variantet e tij të reja.
Përmes një video-konference me 16 guvernatorë të vendit kancelarja Angela Merkel njoftoi se kufizimet e vendosura më parë për të vazhduar deri më 28 Mars, do të qëndrojnë në fuqi deri më 18 Prill dhe se jeta publike gjatë Pashkëve do të mbyllet kryesisht, shkruan Euronews.
Infektimet me koronavirus janë rritur në mënyrë të vazhdueshme në Gjermani pasi varianti më ngjitës i zbuluar për herë të parë në Britani është bërë mbizotërues.
"Ne në thelb kemi një pandemi të re," u tha Merkel gazetarëve në Berlin.
"Në thelb kemi një virus të ri, padyshim të të njëjtit lloj, por me karakteristika krejtësisht të ndryshme," shtoi ajo. "Në mënyrë të konsiderueshme më vdekjeprurës, dukshëm më infektiv”, shtoi ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
