Sri Lanka planifikon të shlyejë borxhin e naftës ndaj Iranit me çaj

Sri Lanka planifikon të lajë një borxh për importet e mëparshme të naftës nga Irani duke e shlyer atë me çaj, tha një ministër i qeverisë.

Ramesh Pathirana tha se vendi i tij shpresonte të dërgonte çdo muaj në Iran çaj me vlerë 5 milionë dollarë (3.8 milionë £) për të shlyer një borxh prej 251 milionë dollarësh.

Sri Lanka po përjeton një krizë të rëndë borxhi dhe valutore, e cila është përkeqësuar nga humbja e të ardhurave nga turistët gjatë pandemisë së koronavirusit.

Një anëtar i bordit të çajit të vendit tha se ishte hera e parë që çaji ishte shkëmbyer për të shlyer borxhin e jashtëm.

Zoti Pathirana tha se mënyra e pagesës nuk do të shkelte sanksionet e Kombeve të Bashkuara ose amerikane, sepse çaji ishte kategorizuar si një artikull ushqimor për arsye humanitare dhe asnjë bankë iraniane e listës së zezë nuk do të përfshihej.

“Ne shpresojmë të dërgojmë çaj me vlerë 5 milionë dollarë çdo muaj për të shlyer Iranin për blerjet e naftës në pritje që prej katër viteve të fundit”, tha ai për Reuters.

Ministria e Plantacionit tha: "Skema e rekomanduar do të kursejë valutën e huaj shumë të nevojshme të Sri Lankës, pasi zgjidhja me Iranin do të bëhej në rupi të Sri Lankës përmes shitjes së çajit Ceylon".

Por një zëdhënës i Shoqatës së Mbjellësve të Ceilonit, e cila përfshin të gjitha kompanitë kryesore të plantacioneve në Sri Lanka, tha se kjo mënyrë transaksioni ishte një "zgjidhje suvaje [ngjitëse] nga qeveria".

"Kjo nuk është domosdoshmërisht në dobi të eksportuesve pasi ne do të paguhemi në rupi, duke anashkaluar tregun e lirë dhe nuk na jep vlerë reale," shtoi Roshan Rajadurai.

Sri Lanka raportohet se duhet të përmbushë rreth 4.5 miliardë dollarë shlyerje borxhi vitin e ardhshëm, duke filluar me një shlyerje prej 500 milion dollarësh të obligacioneve sovrane ndërkombëtare në janar.

Megjithatë, rezervat valutore të vendit ranë në 1.6 miliardë dollarë në fund të nëntorit, treguan të dhënat e fundit nga banka qendrore.